陳凱琳短髮Look變樣　連環撞樣Lisa迪麗熱巴

前港姐冠軍陳凱琳平時熱衷影寫真，除咗單人Chok相，又會得閒搵攝影師影佢家庭樂，成個社交網都係靚相。近日佢又再上載索相，今次佢就以罕見短黑髮造型現身，加埋紅唇，個Look幾咁火辣辣，不過佢就自爆原來輯相係舊相，仲問粉絲咩相可以挑戰「一張封神」添。網友睇完輯相，驚訝本身五官深邃嘅佢，喺今次嘅造型下，佢竟然同韓國女子天團BLACKPINK成員Lisa撞樣，亦有人話佢似足內地「新彊四美」之一嘅迪麗熱巴，更有人將佢媲美已故荷里活女神柯德莉夏萍（Audrey Hepburn），總之輯相就驚為天人，睇到網友心花怒放。