陳明憙爆男友已見家長：父母鍾意佢多過我！

歌手陳明憙最近成為音頻治療師，她在電台訪問中透露父母現因工作移居內地，出道6年來她一直在香港獨立生活，而未成為音樂治療師前，她坦言父母於經濟上一直對她有支持，她說：「頭幾年當然有支持我，特別香港交租咁貴，都要多謝父母，冇佢哋支持，喺香港真係唔易，當然我都會唔好意思，所以之後考音頻治療師都有考量，可以等我有副業有穩定嘅收入。」

今年踏入30歲的她，問到拍拖多年的大自然攝影師男友，她說：「父母冇催婚，都見過佢，佢哋好似鍾意我男朋友多過我，成日讚佢乖。男友都好支持我嘅音樂，佢送畀我嘅其中一份生日禮物，就係音頻治療課程，我?好多謝佢！間接令我成為音頻治療師。」她坦言兩人都有共識，現在都以工作為先，給與對方很大的自由及空間，由於男友因為工作關係，經常周圍飛，他們變成了「Long D」關係，她說：「有時幾個月成日見，有時又會長時間見唔佢，咪專注工作。」她坦承已視對方為結婚對象。