黃劍文亡母顯靈　消失的照片重現

曾參加《全民造星III》的獨立創作歌手黃劍文（Kimman），相隔4年再有新作《人間飄浮》面世，更獲一位前輩任監製，出錢出力義助拍攝MV。導演希望帶出他過去的經歷與回憶，故出現了張兒時和亡母彌足珍貴的合照，他說這張相「來得及時」：「張相10年嚟一直都搵唔到，直至幾個月前，喺搬屋期間先無意中發現，睇番張相已經感動到流眼淚，張相可以用喺MV度。」

MV首播後，被讚畫面充滿電影感，拍攝的地點像片廠，但原來是導演借出自己的Office，就連唱片封套，都是他拍攝期間的自拍照，卻出奇地相當有feel，似出自專業攝影師的作品。

今年26歲，12年前經歷人生最黑暗日子，當年其母親自殺身亡，令他受到最沉重打擊，他說：「望能透過歌曲去傳揚『珍惜』嘅訊息，以生命影響生命！呢2年嘅疫情，營營役役嘅香港人，改變咗生活模式與心態，雖然『珍惜』係老生常談，但要真正實踐，先可以不後悔、不遺憾。」