楊思琦開Live同網友傾偈 5分鐘收1485蚊到底有咩服務?

2022年06月23日 20:01
東網電視
更多新聞短片
前港姐楊思琦近年轉戰內地,活躍於社交網同網民互動,分享日常點滴,日前佢開Live嗰陣,有網友發現佢嘅直播間嘅右下角,有一個付費連線嘅窗口,有指個系統係唔會有呢個功能,似係佢本人設定嘅,等網友可以透過呢個窗口,同佢進行1對1付費限時連線,最長可以達5分鐘。據悉同楊思琦傾偈5分鐘需要1485港元,但並唔知係視像連線定係語音連線,不過應該係會見到楊思琦個樣嘅,令到網友都好奇到底嗰5分鐘有咩服務呢?
有網友對楊思琦呢個「付費連線」不滿,覺得佢為咗吸金真係無所不用其極,問佢係咪好等錢使?但係都有網友就力撐佢呢種付費方式,只係想避免混亂,保障番真心想同佢互動嘅網友喎!