袁嘉敏法國行名店　獲VIP式招待有香檳歎

前港姐袁嘉敏自從炮轟鍾培生父子之後，避走法國展開新生活，優哉游哉嘅佢早前去咗意大利玩，不過就不幸確診新冠肺炎，令佢要折返法國養病。休息咗一段時間嘅佢，日前就已經「出關」，即刻喺當地掃名牌貨，佢同朋友去到名店，店員已經準備好香檳，佢用普通話同朋友講：「我也算是他們的大客戶了！」呢2杯香檳係VIP嘅身份象徵，及後店員仲拎咗3大盒嘢畀佢哋揀添，不過佢就話呢次純粹去飲嘢，全程齋睇冇幫襯！