楊祐寧開車拍片被轟危險駕駛　 急出Post 「滅火」認衰仔

台灣話題劇集《華燈初上》飾演警察「潘文成」一角爆紅嘅男星楊祐寧，近日因開車行為引發爭議，日前佢喺社交網分享影片，見佢帶住老婆、女兒外出，楊祐寧邊開車邊用手機拍片，先影自己個樣，再影低老婆瞓喺駕駛座，之後佢仲好Sweet咁話：「在夢裏吃了甚麼嗎？」而呢個溫馨嘅夫妻互動，就被網民鬧爆佢危險駕駛，仲質疑佢違法，留言話：「真的不要害人出事。」而楊祐寧得知消息後，即喺社交網「滅火」認錯，寫下：「SORRY，開車用手機，不良示範，NO NO！」