龔嘉欣驚爆染疫掀恐慌 拍檔張振朗高危
20220701
東網電視
更多新聞短片
正拍攝新劇的藝人龔嘉欣今日（1日）確診新冠肺炎，劇組要即時停工及為錄影廠、化妝間進行徹底消毒，由於她日前出席大型記者會，亦跟多個劇組的演員共用化妝間，牽連甚廣，人人自危，最緊密接觸者張振朗則未「現身」，而日前與嘉欣同場的劉穎鏇急做核酸檢測以策安全。
近日疫情確診數字有上升趨勢，每日都超過2,000宗，市民仍不能掉以輕心。無綫多個劇組自疫情第五波後已開始復工，一切安然無恙，只有零星確診個案。不過，繼個多星期前《婚後事》劇組被指有多位幕後工作人員染疫，劇中主角陳自瑤確診外，今日龔嘉欣亦不幸中招，現時正為劇集《靈戲逼人》拍攝的她，今晨開工前做快測發現染疫，告知劇組後，公司先通知同劇演員即日做核酸檢測，以策安全，而此劇亦會停拍之後兩天的廠景、外景。
此外，因為現時有多個劇組如《愛．回家之開心速遞》、賀歲劇《黃金萬両》、《寵物Pet Pet》及《你好，我的大夫》的演員都與嘉欣共用一個化妝間，加上早幾日嘉欣有份出席回歸劇記者會，接觸的藝人眾多，所以無綫上下都人心惶惶，自行去做檢測，無綫方面已安排化妝間及錄影廠進行徹底消毒。
發燒骨痛屋企休息
嘉欣回覆記者表示現時有發燒及骨痛，之前開工每天都有做快速測試，感謝劇組體諒，現時正於家中休息，會依醫生指示服退燒止痛藥，多飲水休息。而《靈》劇監製王偉仁受訪時說：「今日有同龔嘉欣聯絡，佢個病徵唔算嚴重，我哋12廠都已安排消毒，亦要停工2至3日先，因為本身呢2日都係拍嘉欣同張振朗嘅主景，而且我哋劇組所有人每日都有做快測，暫時都未有其他人確診，影響不大。」
換言之，與嘉欣最緊密接觸者是張振朗，不過他至今未有回覆。而同劇的劉穎鏇受訪時不諱言日前才跟嘉欣齊齊開廠：「係呀！我一收到消息做咗快測冇事，但公司都叫我哋去做核酸，我都做完，要聽日先有報告。（同場拍戲好高危？）我都冇乜點擔心，平常心，希望大家都冇事，亦希望嘉欣徵狀唔嚴重啦！」
而江嘉敏、朱智賢正為賀歲劇集《黃金萬両》每天在電視城開工，她們每日都跟嘉欣共用化妝間及見面，江嘉敏受訪時說：「我嗰日喺記者會都見過嘉欣，但大家都有戴口罩，而且我哋日日返工都要探咗體溫、做咗快測先入得化妝間同錄影廠，所以都唔太擔心，不過呢排要開工，見嘅人都好多，自己就冇同家人接觸。」而朱智賢亦說：「唔擔心呀！大家都好小心，平時喺化妝間冇乜嘢我哋都會戴口罩。」
至於之前曾中招的「過來人」周嘉洛與陳嘉慧現時為《你好，我的大夫》開工，周嘉洛說：「我唔擔心，每日都有檢測，而且近期我冇接觸過佢，雖然我哋共用化妝間，但大家都好警惕、小心。」陳嘉慧亦說：「之前自己中咗有抗體，唔擔心嘅，而且劇組個個每日都有做檢測，應該好安全。」
陳山聰陪林夏薇慶生 與嘉欣同場冇中招
正拍攝另一套新劇《寵愛Pet Pet》的視后林夏薇，受訪時表示雖然每日亦同樣返廠開工，但由於開工前均有做檢測確保安全，故不太擔心受感染。而她35歲生日，獲好友胡定欣及陳山聰為她慶生，同場還有今日生日的無綫高層樂易玲，定欣與山聰為此準備多個不同款式的生日蛋糕為兩位壽星賀壽，還有兩大紮鮮花，非常有心！與好友們慶祝後，薇薇回家後亦收到老公愛的祝福，她更與愛犬站在貼上「Happy Birthday Rosina」字樣氣球前拍照，場面溫馨！
至於山聰日前曾與嘉欣同場現身記者會，對於嘉欣染疫，他受訪時透露現時每日做兩次快測，今日亦有做快測，身體方面沒有異樣，故也較為放心。
Kerryta上月確診： 好辛苦！
疫情有回升迹象，除了無綫再有藝員確診，據知環球索爆女歌手Kerryta上月初也中招，今日她透露：「我係6月頭確診，但我都唔知自己點中，喺邊度中都唔知，病痛過程係好辛苦，基本上所有症狀都出現晒。」
雖然她已經康復，但覺得身體未回復原狀，所以她想做運動重拾狀態：「依家氣管的確比以前敏感，希望運動加食療有幫助。」