高海寧三點式露半球　伸脷暢泳心情靚爆

之前喺內地逗留咗近5個幾月嘅藝人高海寧（高Ling）最近已經返港，日前更為新劇造勢宣傳。昨日（2日）佢就喺社交網貼出之前去泰國嘅靚相，見佢着上三點式，性感半球若隱若現，非常養眼。高Ling仲好開心咁拎住椰青自拍，又喺泳池伸脷暢泳，仲拍埋度假屋Room Tour，心情超級好！佢喺貼文寫到：「今天需要一點維他命D！」睇嚟今日打風落雨，令佢好掛住陽光與海灘嘅日子。而網民見相後，都紛紛留言話：「泳衣Look好索」、「拎開個椰青」、「超級靚女」，一致大讚呀！