大擺烏龍!KISS樂隊奧地利開騷竟然誤掛澳洲國旗

2022年07月05日 09:02
東網電視
更多新聞短片
美國殿堂級樂隊KISS近期於歐洲舉行名為《End of the Road》告別巡唱,而早前他們就於歐洲國家奧地利舉行演唱會,不過主辦單位竟然大擺烏龍,因而被網民批評他們冇常識!
話說當晚樂隊在奧地利的首都維也納開騷,但在舞台上打出一個「KISS愛你,維也納」(KISS Loves You Vienna)字樣的燈箱,怎料在KISS名字入面竟然出現澳洲的藍色國旗!立即淪為網上笑話,被大批網民洗版式批評主辦單位擺烏龍落錯國旗。認真瘀爆!有網民留言指正錯誤:「想話畀你知,維也納唔係喺澳洲囉!!」另有網民嘲諷:「多謝KISS畀我哋一個好出色嘅演出,並將袋鼠帶到去澳洲嘅維也納。」事後KISS樂隊亦公開當晚的表演片段,但就冇提及「擺烏龍」一事:「維也納!多謝你嘅精彩一夜!我哋愛你!」而下月以及9月他們就會去澳洲舉行9場騷,唔知到時他們又會否擺烏龍放錯奧地利國旗呢?