MIRROR紅館騷今晚開鑼 「鏡粉」排隊拎應援物

20220725
東網電視
更多新聞短片
人氣男團MIRROR紅館騷今晚(25日)開鑼,不過有傳佢哋出師不利喺開騷前最後總綵排嗰陣,有舞蹈員受傷,所以據知中午時分MIRROR與工作人員低調進行拜禮儀式。紅館場外有重型鐵閘,並且紅館後台連日來以黑布、拉閘遮擋任何人拍攝,雖然演唱會今晚先開騷,但係唔少「鏡粉」由中午開始就攻陷紅館一帶,連鐵路站的天橋位置都企滿人,成街小敗準備買鏡仔紙袋、紙扇、燈牌等,過百鏡粉冒高溫派應援,在場館外及商場內都打晒蛇餅。
由於今次演唱會部分門票採取實名制,在黃昏開始已有觀眾持飛到場登記,現場亦見有鏡仔的Pop Up Store,但就未開始發售,不過記者到場都要出示記者證,康文署給予貼紙以資識別才可入內採訪。