陳思圻叫Summer Girls教番轉頭擺甫士　張明偉睇女有生理反應

香港開電視特備節目《Summer Girls 2022》今日（22日）進行拍攝，主持人陳思圻（Vicky）與張明偉聯同14位參賽者現身，Vicky與張明偉會各帶7位參賽者對戰，問到有何貼士給參賽者們？Vicky表示：「我覺得最緊要自信，輸人唔好輸陣，雖然佢哋都好靚女、有啲又做過模特兒，但面對鏡頭都有啲驚。（有冇教佢擺性感甫士？）佢哋教番我轉頭。」

至於張明偉面對眾多性感水着女可會感尷尬？他笑言：「個個都好羨慕我，但呢個係苦差，每日開工對眼好攰，所以夜晚要佛系，因為朝早睇得太多。（睇到流鼻血？）冇，我係有其他生理反應。」講到節目會跟港姐決賽同日播出，張明偉自言兩個節目都係有靚女，各有特色，Vicky大讚開電視的佳麗們水準不俗，問到會否擔心被指倒戈？她說：「個節目都係想大家開心，疫情都延續咗咁耐，想有個節目畀大家笑吓享受吓。」張明偉附和謂只為娛樂大家。