菊梓喬否認託朋友照顧狗女花花半年：係有搵人幫手！

歌手菊梓喬（Hana）飼養了一隻5歲大的狗女花花，日前她談到花花早前突發性腦炎，又有腰間盤突出，當時她擔憂得在診所崩潰痛哭，花花用了長達年幾時間才康復。不過街坊讀者爆料，指從報道中才知花花主人是Hana，因為他們只知花花由藝人馬俊傑暫養，時間仲長達半年，質疑Hana的愛心。

Hana承認：「之前佢有幫手湊過，但冇半年咁耐，我好快就攞返嚟自己照顧，因為花花嗰時要定時食藥，最衰我返工有時我真係唔得閒，惟有搵有養狗嘅朋友幫手，我唔係淨係畀佢一個照顧，都有幾個朋友幫手。」