石頭@五月天辣妻Deep V晒鏈　深邃事業線一覽無遺

台灣天團五月天結他手石頭同老婆「狗狗」路渟瀛結婚多年，幸福甜蜜。最近二人就因為仔女讀書留喺英國，「狗狗」仲不時貼出靚相分享近況，近日佢就貼出近照，見佢身穿白色低胸背心，大晒新買嘅靚靚頸鏈。不過網民就放錯焦點，將眼球落咗喺佢心口嘅事業線上。「狗狗」仲喺貼文寫到：「喜歡的事物無關定價，而是對自己有價值才有意義，世事皆美，因為我是我。」而網民亦紛紛留言話：「好美的頸鏈」、「健美的腹肌」、「身材很棒」、「自信的姐姐最美」。