阮嘉敏新劇扮乖乖女　戴大框眼鏡十足小雲

藝人阮嘉敏有份參予拍攝的無綫劇《靈戲逼人》近日煞科，戲中她的角色造型上營造乖乖女感覺，一頭烏黑頭髮，及戴了大框眼鏡，十足小雲一樣，嘉敏稱全靠此劇，發掘到自己溫文一面，她說：「造型上幫咗我好多，係第一次新嘗試，從未試過做咁溫文和怕羞嘅角色，本身好好動，所以對我嚟講今次算係一個挑戰。」笑言原來自己都可以好斯文，朋友都話認不出是她。隨着劇集拍完，她決定要同斯文嘉敏講再見，由於之前染黑髮過於重手，她前後需要漂髮兩次，將髮色漂至金色，然後才變成現在的淺啡色，人生第一次漂髮就打孖上，十分難忘。

完成《靈》劇後，嘉敏透露年尾將再拍新劇，趁這段空檔間她間中為購物平台做直播速銷，讓她重拾做主持感覺，她笑說：「拍劇和主持兩邊兼顧，幾好呀！」