何遠東預告來年重返校園:覺得要裝備自己!

20221007
東網電視
更多新聞短片
屬書院派的藝人何遠東,除了做幕前,其實一直以來他到學校教戲劇和中文興趣班,他直言若當年不是演藝學院收了他,他應該會去教書,他說:「依家掉轉頭入番學校,教咗好多年,最大嘅學生已大學畢業,我係由佢K3教起,自己都覺得好好恐怖,(成才?)希望佢成才,佢啱啱入咗演藝學院,希望搵到鍾意做嘅嘢。」而何遠東也有重返校園的計劃,目標明年修讀master課程,他說:「覺得要裝備自己,無理由坐喺度等時間過,疫情好浪費時間,每樣嘢都延期好耐先發生。自己都做咗十幾年嘢,讀書當係一個總結,呢樣係蘇民峰同我講,點醒咗我,好多謝佢!」
另外,提到早前他參加《開心無敵獎門人》,在節目要數盡方力申的緋聞女友,方力申事後暗寸何遠東暗戀他,何遠東笑說:「其實小方好大方嘅,事後我都同佢講係節目效果咋,我細細個睇佢新聞大,(點解可以數到咁多人?)所以方力申話我暗戀佢,如果佢公開認戀我,係我榮幸,其實小方緋聞好多都深入民心,係緋聞嚟啫,佢人緣好,桃花旺。」