陳煒黎諾懿雙劍合璧　炮製頂級黃金盛宴

藝人黎諾懿與陳煒今日出席廚藝節目《黃金盛宴》記者會，兩人透露今次節目是有史以來最豪華一次，講到節目結集9位名廚，問到會否大感壓力？諾懿稱反而輕鬆：「因為有8位廚師畀意見你，所以出嚟成品會非常好。」陳煒稱忙工作，近期未有機會為老公下廚炮製美食：「我拍完呢個節目學有所成，可以返去煮畀佢食。」諾懿提議陳煒可邀請節目名廚到家中下廚當作陳煒新婚禮物：「但就唔駛預我，我煮嗰啲太簡單，畀陳煒篩走，我折現好過。」另外，兩人稱雖然因拍攝節目而令廚藝藝進步不少，但他們都無意把興趣當作生意開餐廳，笑言擔心會蝕本。