獲官方邀請！嚴崇天赴韓交流推廣香港文化

藝人兼「韓國通」嚴崇天已兩年多沒有「返鄉下」，近日接獲韓國政府之邀，希望他11月底到訪當地作官方交流，以及推廣香港文化。屆時他更會上台發言，問到會否擔心太久沒說韓文，屆時影響致詞，他笑答：「好彩我喺香港都有keep住上堂，而今次除咗要開會交流，我仲諗住拍埋旅遊節目，自家製作，暫時未知會畀邊間電視台用。」

身為孝順仔的他，將投資6位數讓媽媽開美容院做老闆娘：「媽咪諗緊飛嚟韓國join我，大家睇美容儀器，喺嗰邊買真係平一截，只係要研究吓保養問題。（好孝順喎。）咁我都要為自己鋪路，始終做呢行都需要有啲後路同保障。」