關心妍同老公結婚13周年分兩餐飯慶祝　背後有原因

歌手關心妍（Jade）在社交網分享跟老公Jonas結婚13周年快樂，她除了上載兩人婚照，也有到餐廳慶祝照片，仲連隊兩餐，一餐西一餐日本菜，原來有原因的。

Jade寫道：「以前食飯慶祝係二人行，因為心心（女兒）未識同我哋一齊慶祝，六年之後就唔同咗啦，因為佢大個咗，佢話以後咩都要預埋佢。不過我哋想食魚生，唔可以帶六歲小朋友，而我哋又好想有二人世界，話晒都係我哋兩個結婚周年，所以由今年開始嘅以後，我哋都係要食兩餐啦，仲要着埋連戲衫等啲相係一至啲，真係好sweet又好笑。」難得Jade諗到咁嘅安排，仲要載她的耳環都連戲，勁！