郭羨妮首次孖阿女拍廣告：感覺好獨特

藝人郭羨妮（Sonija）多年來都保養得相當好，故不時獲得廣告商的垂青，就連其十歲的女兒Kylie都盡得她的真傳，樣子長得標緻又甜美。日前Sonija與Kylie一起為溫室蟲草健康食品拍攝廣告，有囡囡一起陪伴拍攝，Sonija倍加開心，她接受東網訪問時謂：「今次係第一次同阿女一齊喺幕前演出，感覺好獨特，係一個非常值得紀念嘅時刻。感恩阿女成長咗好多，喺拍攝過程，我睇到佢嘅領悟力和耐性，對佢嚟講，係一次好好的經驗。」

廣告片中，Kylie不時都黐住Sonija，Sonija謂：「佢平時都好鍾意攬住我，我喺屋企都成日同佢一齊玩，一齊打遊戲機，一齊喺床玩，所以今次拍廣告都唔使點教，佢做番自己就得。」此外，港鐵站內亦有大量廣告燈箱，不少朋友見到兩母女都打卡然後send給Sonija ，大讚Kylie靚女，有媽媽遺傳呢！