古天樂為港產片出心出力　設「總會拍電影」支持電影人

香港電影總會發起「總會拍電影」計劃，首部力作《惡人當道》日前進行開鏡儀式，總會會長古天樂（古仔），以及主演的廖子妤、姜皓文、凌文龍、葉童及尹揚明等紛紛現身，祈求拍攝順順利利。古仔表示：「期望『總會拍電影』能以新思維，更主動直接帶動本地電影產業，為香港電影工作者締造就業機會。今後通過呢個計劃，總會能夠擁有自己出品嘅電影，既可以為市場帶來唔同嘅戲種，電影收入又可以用於服務業界屬會，一舉兩得。」

總會從40多份參選劇本中，挑選出兩部作品作為頭炮之作，而第二部獲選作品亦將於年底開拍。廖子妤今次為角色造型，特意染了一個「日久失修髮色」：「我演一個『癲得』嘅媽咪，有個九歲大嘅仔，戲入面佢叫『老爺』，最搞笑係我問佢叫咩名，佢答我『叫老爺我天樂』，原來佢真名真係叫『天樂』，所以我係真正嘅天樂媽！」

凌文龍覺得自己今次角色甚有發揮，事關他首次演反派。葉童則說：「今次主要喺舊區取景，好有香港特色。我個角色亦都很有故事，內心難以形容。」