Jessie Lee化身火辣粉絲　與「魔獸」杜域侯活合照遭攻擊

性感網紅Jessie Lee早前喺社交網分享同前NBA球星杜域侯活「魔獸」嘅合照，相中見Jessie着上低胸上衣以及白色短裙，相當火辣。杜域侯活就搭住Jessie膊頭，笑得非常燦爛。不過由於杜域侯活過去私生活豐富，有酸民就攻擊Jessie話：「明年這個時候應該會多很多小魔獸」、「Jessie男友要哭哭了」。

但Jessie睇完留言不但冇嬲，仲正面回應話：「我不知道我男友191（厘米）、我178（厘米）能不能生出一個200厘米的小魔獸啦，當晚生日，剛好這位球員在男友朋友的健身房訓練，有幸陪他去追星，僅此而已，大家冷靜一點。」而唔少網民都大讚佢EQ高，佢嘅回應亦吸引近萬人朝聖！