BLACK PINK港騷引女神蒲頭　Angelababy台下搶晒鏡

紅爆全球的韓國女團BLACK PINK連月於各地展開世界巡迴演唱會，昨日襲港開騷，吸引多位圈中明星朝聖，除余德丞、謝安琪及方皓玟等人外，更雲集不少女神，當中原來連「大美人」李嘉欣都係台下觀眾，佢仲興奮得即時拍片放上社交網分享。另一位女神，就係久未在港公開露面嘅Angelababy，見佢與友人相約睇騷，佢着上牛仔褸、長髮披肩，氣質出眾，即使坐台下都蓋唔住巨星光環，佢仲手持應援道具，絕對係忠實粉絲。不過Baby睇騷一事卻引來部分內地網民不滿，指內地曾有「限韓令」，質疑佢不應追捧韓星。