吳業坤坐正做「星夢一哥」　自爆去日本同佐藤健食飯

藝人吳業坤今日（3日）出席頒獎活動，剛由日本返港的他原來在當地拍攝新歌MV，更找來太太擔任MV女主角，他笑說：「除咗因為太太有標誌嘅面孔，新歌講至死不渝嘅愛情，所以要搵佢拍。」他指太太廣東話進步神速，問到他可會介紹太太加入無綫，他說：「唔會喇，佢都係想向網上KOL發展。」至於，造人大計最快會在3年後，因為剛結婚，大家也想有私人空間。

而是次日本行他除了拍MV，原來更與無綫高層樂易玲在朋友介紹下，和日本男星佐藤健食飯見面，大家亦有洽談合作的可能，他笑說：「見到佢真人，原來有人可以靚仔到咁，如果佢有機會拍我哋公司嘅戲，希望我有機會唱主題曲。」

講到周柏豪離巢星夢娛樂後，他坐正成為星夢一哥，他說：「唔敢咁講，但係今年回歸樂壇，出歌唔會好似過去兩年咁打游擊，預計今年會出5首歌，班底亦都唔同晒，可以話係一個新挑戰。」今年以唱歌為主的他，透露拍劇方面會亦會有選擇權，遇到合適角色才拍攝。