姜濤臨時缺席　MIRROR合體騷免費飛炒過6千蚊

當紅組合MIRROR自元旦日現身叱咤頒獎禮後，一直未再大班人合體出騷，當時隊長Lokman因病缺席，加上受腳傷困擾久休復出嘅姜濤見人時，因身形暴脹而成網友熱論對象，依家再次神隱42日，粉絲終於等到12子今日（11日）全員合體，下午4點現身MV首播活動，更引嚟新一輪炒飛潮，該公開活動本為免費嘅門票，忽然被炒高至6,500蚊，黃牛趁機搶錢！

有拍賣網站被人以「前過抽獎飛位置」作招徠，開出底價500蚊拍賣MIRROR活動門票，表示係前3排近距離記者區位置，有人私訊賣家查詢價錢，最後竟炒到高達6,500蚊一張飛，開價相當嚇人。

點知活動開始前4個鐘，MIRROR官方網就宣布姜濤由於身體不適，未能參與今日活動，並向粉絲及客戶致歉，睇嚟MIRROR合體嘅日子又再延遲。