林志玲疑遭家暴　躺在病床照網上瘋傳

台灣第一名模林志玲與日本天團EXILE成員AKIRA結婚後，育有一子，最近佢哋為多照顧林志玲媽媽，而定居台灣，早前兩夫妻一齊上節目分享甜蜜生活趣事，不過日前竟然喺網上瘋傳疑似林志玲被家暴入院瞓喺病床嘅照片，仲話佢個鼻都被打爆咗，即時令網民震驚，好在有眼利嘅網友就睇出呢件事係假嘅，並指出瞓喺病床上嘅唔係林志玲，而係南韓女星李敏英多年前受傷嘅照片，仲狠批造謠者為流量而亂咁講嘢呀！