Baby體力透支拍劇出事　失重心仆親擦傷手

女星Angelababy近日被指為維持人氣，堅持綜藝劇集兩邊走，即使疲態盡現，都堅持要死守王牌節目《奔跑吧》，不過話口未完就出事，現正分身兼顧拍攝新劇《相思令》嘅佢，呢日現身片場拍攝一場射箭戲份，見佢開拍前來回拉弓試位，期間擺好姿勢先發現唔記得上箭，明顯心不在焉，之後佢更一時失重心，直接跌倒落地，似乎因兩邊Chur體力透支所致，現場工作人員立即上前扶起，雖然佢手部擦傷，但都未有理會，稍微包紮傷口就立即繼續拍攝，非常專業。