專業！王卓淇8度着泳衣介紹泳池　鏡頭前後兩個樣

前港姐王卓淇早前去到廣東拍攝HOY TV旅遊節目《獨家旅行團》，佢就自爆拍攝22日，佢就有16日都要着泳衣，估唔到原來佢鏡頭前後「兩個樣」！最近佢上載花絮片段，自爆為配合拍攝進度，佢曾於氣溫僅得8度嘅寒冷天氣下，仍要去到室外以泳裝出鏡，更走到天際泳池旁，雖然未知最後有否落水，不過見佢由本身淡定行去池邊，到最尾忍唔住凍到狂嗌，都知當時真係好難頂。

鏡頭前見佢表現從容，點會知道原來當時溫度得8度，難怪佢上載片段時都要強調呢點：「試過8度海旁穿泳裝的感覺嗎？任何一個人不看今晚9點開電視首播的《獨家旅行團》我都會很傷心的ok？」網友睇完即大讚佢專業，不枉曾得港姐亞軍嘅頭銜。