姜濤公開收身大法　自認無枉管最鍾意食

男團MIRROR成員姜濤早前去咗新加坡出騷，佢受訪時以普通話以及英文回答問題，對答過程相當搞笑添！近年身材一直成為網民討論對象嘅佢，被問到如果無枉管嘅時候會做啲咩，佢就以英文回答話：「Ｗhen nobody is looking,i will eat！」仲以「Burger」以及「Hotpot」為目標，真係夠晒誠實，認真搞笑！至於如何維持體重，佢最初諗住唔答話係秘密，之後諗住一陣就話：「you don't need anything , just drink water.」同埋會間歇性斷食，加上會每日跑步以及打籃球。

而佢仲不忘發揮搞笑本色，當被問到佢最驚係乜？佢諗都唔諗話：「my mom，wow！tiger mom.」並做出抽擊動作，幽默感十足，不過好快就補鑊話姜媽其實好愛錫自己，表示當自己首次賺到錢之後，有買花送畀媽媽，氹得對方非常開心！