威水做日牌代言人　蘇皓兒工作量回復疫情前水平

藝人蘇皓兒（Chloe）今日（25日）為代言的日本品牌拍攝廣告，她表示剛過生日踏入輕熟女的年紀便有膠原蛋白產品邀她出任代言而感到開心：「除咗香港，我亦係內地同日本代言。（衝出香港？）係第一次，好驚訝，因為好多時日本母公司會搵番日本藝人，所以我都有Keep Fit去保持最佳狀態拍攝，盡量做多啲運動同充足睡眠。」Chloe跟日本可謂非常有緣，除了今次代言外，之前她為ViuTV拍攝了一個關於日本單車旅遊的節目，最近又有推廣日本旅遊的工作洽談中：「但我唔係好識日文，外語比較差。」

講到最近工作多多，她坦言工作量已達疫情前水平：「相比起上年一月至四月真係好靜，完全無工作，今年係忙番好多，希望新劇出街後更加好。」她透露還有其他劇集洽談中，除了拍劇，她對綜藝也甚有興趣：「想發掘自己唔同面向畀觀眾，因為拍劇比較拘謹，想拍遊戲或者旅遊節目。」