陸永老婆搵網友幫狗仔改名　下身失蹤勁搶Fo

藝人陸永嘅老婆陳莉娜（Reina）重新活躍社交網，並不時晒親情、晒恩愛。而近日，更晒出同狗仔合照徵求網友意見幫狗仔改名：「求改名，幫手諗下。我有個Friend唔係姓王嘅，佢隻狗叫Stephen Wong。」雖然狗仔可愛，不過就唔夠Reina身上嘅oversiz T恤打扮吸睛，失蹤嘅下身露出一對白滑美腿，若隱若現嘅美景更係相當誘人。

對此，唔少網友熱心留言畀意見外，仲有網友建議叫「陸狗」，而Reina亦好有EQ咁回覆：「陸狗叫唔出口。」不過最氹得美人開心嘅莫過於有位網友建議狗仔叫「Luk at me」，Reina更like爆表示：「呢個好好笑！」