黃嘉雯新戀情曝光轉行「性感風」　激罕騷深長事業線

無綫小花黃嘉雯（Carmaney）近年劇接劇拍不停，去年更憑《下流上車族》飾演林敏驄小三一角，盡騷傲人好身材成功入屋，人氣暴增。不過私下向來錫身嘅佢，雖然不時會喺社交網晒靚相，不過就甚少騷玲瓏浮凸嘅誘人好身材，即使Depp V上陣亦僅晒側面相，深長事業線更喺冚到勁密實！

而喺日前（29日），緊貼潮流嘅黃嘉雯亦跟上Barbie風，化身粉紅Barbie喺社交網盡騷傲人好本錢外，更激罕晒美腿騷胸，性感度爆燈。而黃嘉雯亦寫道：「女性能夠提升和塑造他人，愛人同時被愛。」相中嘅黃嘉雯身穿粉紫色Deep V裙，盡騷深長事業線之餘，突然轉行「性感風」嘅舉動，唔知係咪同新戀情有關呢！