陳詩欣老公受傷Call白車送院：嚇到鼻哥窿都冇肉！

「3日2夜」女神陳詩欣婚後經常在社交網放閃，她在限時動態上載老公陳爾正日前瞓白車的照片，雖然她搞笑用表情公仔遮住老公個樣，但她寫道：「嚇到鼻哥窿都冇肉，重點佢不停叫老婆呀，老婆呀，救護員問我佢平時係咪咁，佢以為陳生係咪神志不清。」詩欣事後回覆說：「佢淨係整親條肌肉咋，應該冇咩大礙嘅，但因為好痛，喺度大叫又郁唔到，所以就Call白車。」詩欣又幫老公報平安，指對方已回家休息，陳爾正也在網上留言多謝老婆大人悉心照料：「多謝大家關心，我已經出返嚟識行識走，大家真係要保重身體，得閒做多啲運動。」