徐偉棟遇上偶像變小粉絲　未來銳意幕後發展

藝人徐偉棟早前於古天樂（古仔）、郭富城（城城）、劉青雲主演之電影中演出，對於一口氣跟三位影帝合作，他當然感到十分榮幸，亦會在旁偷師，至於覺得３人如何？偉棟則表示：「城城好Nice，佢同我哋打過邊爐，仲會將佢演戲嘅經歷同我哋交流，青雲，我本身好喜歡，但佢拍戲嘅時候，我真係冇勇氣行埋佢身邊，所以都係好似小粉絲咁遠望佢，古仔拍戲嘅時候好投入，佢會有一種氣場，令人唔敢行埋去同佢傾偈，有種生人勿近嘅感覺，我有少少驚佢。」

徐偉棟除了專注幕前演出，近年都有意向幕後發展，因他自小便喜歡攝影，故想在攝影、導演方面發展，他謂：「因為我本身唔係咁識表達自己，好想透過作品去令大家了解我嘅內世界，依家我一有時間就會攞住部相機周圍影，最喜歡影生活寫照同人像。」

不斷拍攝，令他已擁有不少攝影作品，更有意在內地橫店搞攝影展，現正籌備中；至於想向幕後發展，有否跟家人傾過，他直言沒有，因很少跟家人傾公事，不過，如果遇到一些很難解決的問題，都會去問家人意見。