周吉佩自爆曾有天水圍情緣　帶埋小朋友重遊舊地

歌手周吉佩（吉吉）聯同一班《中年好聲音》隊友李佳、羅啟豪、龍婷、吳大強、支嚳儀等現身元朗，參與無綫節目《大笪地唱不停》，吉吉、大強及曹敏寶原來與元朗甚有淵緣，前者更自爆曾有一段天水圍情緣，他說：「嗰陣係中學階段，佢（女友）當時住喺天水圍，我每日都會送佢返屋企。依家有咗小朋友都間中會嚟天水圍，會去濕地公園。」大強則是元朗地膽：「我喺元朗出世嘅！最難忘細個食盆菜，當時係用木桶裝嘅。」老公是元朗山貝村原居民的敏寶就笑說：「林氏宗祠對我嚟講好有意義，因為我喺呢度同老公拜堂成親，諗番起當日都覺得好特別，令我認識到原居民嘅習俗。」

而演出期間，節目《煮東煮西》主持顏志恒與支嚳儀則合體獻唱《信自己》，兩人High爆又唱又跳，更齊齊Chok出型格甫士，默契十足，大強則繼續風騷，High爆獻唱英文串燒歌，向來貼地的他更一度走落台與街坊握手，炒起現場氣氛。