黃劍文生日同歌迷唱K慶祝　壽星仔：好感動

創作歌手黃劍文 (Kimman) 日前和數十歌迷在卡拉OK舉行聚會慶祝40歲生日，壽星仔大唱新歌《餞別酒》，歌迷就當祝壽歌唱不停，令他大為感動。

不過粉絲就笑他感動但沒有落淚，Kimman 說：「雖然我冇喊，但真係好感動，冇想過大家咁熟悉呢首歌，可以由頭唱到尾，全場大合唱嘅感覺真係好。」他連聲多謝歌迷們的祝福，又感觸歲月如梭：「唔敢相信咁就40歲 !」而《餞》歌正是他為已故舅父創作，在生日會上，稱相信在天上的舅父得知他有大批歌迷愛錫定心感安慰，希望自己開心之餘，歌迷也玩得盡興。