梁麗瑩泳衣展美態　驚爆升呢做人母

無綫前藝員梁麗瑩繼早前為好友許芷熒做伴娘後，生活就一直相當低調。直至近日，隨着梁麗瑩更新社交網，生活近況曝光之餘，現年39歲嘅佢竟然升埋呢做媽咪，並寫道：「話咁快陳皮妹已經六個半月大了！第一次同佢去旅行，因為實在太多大件BB嘢要拎，又BB車、沖涼盤、BB櫈等等，所以都係揀咗一個坐車，唔使搭飛機嘅地方，就係『清遠』。」

雖然梁麗瑩已經淡出幕前，不過從相中可見着淺藍色比堅尼嘅梁麗瑩，凍齡有道外連身材都Keep得好Fit，甚至明顯窈窕過選港姐時。另外，未知係咪因為生完BB嘅關係，梁麗瑩嘅上圍亦明顯升cup唔少，誘人導彈胸及曼妙好身材都引嚟唔少網友一邊恭喜升呢做媽咪，一邊又震驚佢咁突然生咗BB：「生咗B，靚咗10倍，點做到？」