高海寧Deep V強攻泰國　家庭Trip竟有神秘鮮肉埋身

無綫花旦高海寧（高Ling）尋日（10日）突然晒出多張旅行相，就連佢自己都話係即興Trip，更換上極養眼嘅Deep V連身高衩長裙現身，又上埋遊艇食dinner，畫面夠靚又高質。原來高Ling今次係同成班屋企人去泰國旅行，家人亦好識做，不斷為女神影低最美一面，影佢全身索片時更有怪風吹起長裙，高衩晒出白滑長腿，相當誘人。

當中最吸引網友目光嘅，反而係見佢晒出同一位神秘鮮肉頭貼頭平排坐嘅合照，大家係咁估佢係咪借機晒出戀情，點知對方只係佢表弟，網友估錯晒。