阿Sa石恆聰狠斬6年情　疑有神秘C小姐成阻礙

藝人蔡卓妍（阿Sa）與富貴男友石恆聰（Anthony）拍拖六年幾，一早已見過雙方家長，並發展半同居關係，惟今日（13日）有消息指二人已分手，更稱導火線係因男方未定性，更與一位圈中C小姐過從甚密，加上二人於婚姻上得唔到共識而分手。

阿Sa亦向東網承認分手消息，強調與第三者無關，二人係和平分手：「分開咗一段時間 唔係第三者 亦都冇嗌交 我哋仲係好好嘅朋友 咁分開就梗係有啲問題嘅 不過呢啲我哋自己知就得喇 唔需要同人哋交代 🙏🙏🙏謝謝大家關心。」

有指Anthony經常夜蒲，亦不避忌與女性朋友私下約會，但阿Sa就視對方為結婚對象，桃花旺都一一拒絕，除工作以外，其餘時間都陪男朋友。不過有指Anthony仲未修心養性，成日趁阿Sa出trip就唔見人，並疑同圈中一位C小姐玩得特別埋。

消息稱阿Sa自覺難搵新對象，本來唔想改變現況，並選擇啞忍，不過最近太多身邊朋友話佢知Anthony同C小姐玩得Close，既然知道感情冇得開花結果，阿Sa都忍痛分手。分手後，佢最近三個月都放長假及「報復式」旅行，先係5月底陪嫲嫲、爸爸及兩名表姐遊泰國，再同媽咪去瑞士，返港後就同好姊妹去Staycation，及後再同好友去韓國玩。身邊朋友知阿Sa回復單身後，感情受到極大創傷，朋友知佢打擊好大，所以不斷陪佢旅行散心。