中年好聲音2︱陳慧嫻向參賽者派錦囊：只有1隻歌時間感動我

無綫去年年底推出綜藝歌唱真人騷節目《中年好聲音》，專為35歲或以上的朋友而設，為一眾人到中年但又唱得的男女提供演出平台向夢想再出發，成績叫好叫座。本周日（10日）起，《中年好聲音2》開始播映，首集內容除了繼續好聲音唱不停，更是花生處處、火花四起。

評審陣容方面有伍仲衡、張佳添及周國豐，還加入了陳慧嫻坐陣，主持車婉婉介紹慧嫻時全場掌聲如雷，慧嫻笑言很緊張，並向參賽者大派錦囊：「你只有一隻歌嘅時間去感動我，去令我認識你哋。」自言評審經驗不多的她首集即有蝦碌事，事緣36歲安雅希獻唱《光亮》時由於太有感染力，很快便吸引到評審一窩蜂撳燈，連出名要求高的周國豐亦讚不絕口說：「佢應該好有性格，又多愁善感又易開心，作為歌者好易將感情投注喺歌入面」，張佳添則說：「好有TEXTURE嘅聲音，有辨識度，你係其中一個我幾有期待嘅歌手。」反之偏向手鬆及愛鼓勵參賽者的她卻沒有撳燈，她事後抱歉說：「我唔記得咗撳燈係因為我掛住聽，我聽得好入神。」