秦沛兒子姜文杰Call白車送院　被病毒攻擊耳膜神經聽力得番15%

秦沛兒子姜文杰患重感冒送院，他親自在社交平台交代病況，表示即使戴耳機都完全聽不到聲音，在情況最嚴重時，他於今日（18日）凌晨5時要Call白車送院，他表示：「深夜開始嚴重頭暈，成晚趴喺馬桶度，只要稍微郁吓都會嘔最後終於頂唔順。」他形容感覺像飲醉：「呢10幾個鐘頭我嘔到黃膽水都嘔埋。」

入院後做腦部電腦掃描，他指醫生估計他因病毒攻擊耳膜神經，以及掌管平衡的「耳石移錯位」，導致聽力受損。他寫道：「我狀況比平時啲Case嚴重，（醫生）會為我安排一系列治療，包括類固醇，而我更需要做進一步測試，因為我天旋地轉都幾唔妥，同埋左耳嘅能力（聽力）目前得番15%，有啲高頻聲音更近乎零。」醫生指他頭暈可能會持續數月至一兩年不等，康復要視身體而定。

姜麗文代報平安

藝人姜麗文、劉浩龍及CY陳宗澤等、下午到會展出席微電影活動。姜麗文代哥哥姜文杰「報平安」：「佢之前大感冒，啲菌去咗耳仔聽唔到嘢，依家喺醫院。其實佢今日好想嚟呢個活動，事關佢即將會首次出任導演，而我同爸爸都會擔任演員。」

她指有粉絲指他們經常「全家出動」略嫌悶，但姜麗文直言：「咁屋企人就係咁㗎啦，我不知幾想同爸爸演對手戲，今次我哋都飾演父女，應該會真情流露。（叫妳老公加入啦。）佢可以負責graphic，哈哈！」

CY則首次接拍微電影，劇本交代他與陳紫萱（Summer）乃戀人關係，不過親熱戲欠奉：「最多都係擁抱場面。（緊張？）又唔會嘅，只要當正佢真係自己女朋友咪得囉。（有乜準備工夫？）最緊要準備好自己嘅狀態，呢排都忙緊健身。」

而劉浩龍則剛從馬來西亞拍劇集《家族榮耀之繼承者》外景返港，原來今次是他首次正式拍劇：「都幾好玩，尤其是台前幕後培養出好好嘅感情，前輩張鳳妮同老公仲帶我哋周圍去食嘢。我去咗兩個月入住6星級酒店，估唔到拍劇有咁好嘅待遇。」至於今次攝製微電影，他打趣：「同《家》劇一樣扮演執法人員，咁拍劇時我個角色冇感情只顧查案，所以返到嚟都想同微電影嘅導演傾傾，修改吓劇本，可以有更多嘅發揮。」