《新秀》冠軍入行！車婉婉勉勵自己一直進步

歌手車婉婉為無綫熱播節目《中年好聲音》擔任主持獲好評，續冧莊《中年2》主持，也燃起她對唱歌的熱誠，事隔9年後再推出新歌《遲來的加冕》，婉婉說：「我有一日突然間覺得應該要做一首歌，有這個Idea的時候就諗咗一陣，如果我要做一首歌應該搵邊個監製合作，因為都有好幾位監製合作過，又或者係從未合作過嘅，嗰時我就走到音樂人伍仲衡面前問佢『伍老師可以勞煩你做一首歌畀我？』佢一口答應，仲好快就交咗Demo畀我，我就問他，我想寫一首幾勉勵性嘅歌，而且想有《中年好聲音》嘅精神，就係自己一路喺進步中提升自己。」

談到拍攝MV概念，她說：「我嘅演藝生涯就係出生喺無綫《新秀歌唱大賽》嘅冠軍，所以有好多足迹都會喺無綫裏面，咁多年嚟，無論唱歌，演戲都會喺無綫裏面發生，我覺得《遲來的加冕》嘅歌詞都係講自己嘅人生，所以MV裏面剪咗少少呢啲片段，觀眾可能有比較深刻印象，都會勾起我自己或者觀眾對我嘅回憶，所以MV就有咁樣嘅概念。」