自己食自己！呂慧儀返廈門探親　勁擦生猛長腳蟹

「長腳蟹」呂慧儀平時唔係拍《愛．回家之開心速遞》，就係陪屋企人。而日前，趁住難得好天氣嘅佢，更帶埋屋企人一齊返內地探親之餘，仲勁擦海鮮，引嚟唔少內地網友大讚愛國。

日前，喺社交網分享自己返廈門探親嘅呂慧儀，打扮樸素低調得嚟，又表現親民，只見沿途不斷同自己嘅代言廣告開心合照留念外，仲影咗唔少綠油油嘅風景靚相。而呂慧儀唔止晒出多張返內地嘅風景靚相，仲有分享咗唔少親友合照，只見佢成個家族都高人一等外，甚至仲有人比佢高出成個頭，溫馨畫面引嚟唔少網友嗌佢，下次帶埋男友張景淳一齊返去探親；另外，呂慧儀亦晒出喺內地勁擦日本料理嘅美食照，其中生猛到爆嘅長腳蟹，仲引嚟唔少內地網友搞笑稱「自己食自己」，認真搞笑。