莎蓮迪安患僵硬人症後首現身　睇曲棍球同球隊攬攬

55歲加拿大天后莎蓮迪安（Celine Dion）於2022年12月宣布患有罕見神經疾病「僵硬人症候群」，解釋了她過去長期健康出現問題的原因，至今已有3年半未有公開露面，直到周一（30日）首度現身，於拉斯維加斯欣賞冰上曲棍球賽事，支持家鄉隊伍Montreal Canadiens決戰賭城主場的Vegas Golden Knights。莎蓮帶同22歲兒子René-Charles、13歲孖仔Nelson與Eddy一起出席，賽事後更前往更衣室與加拿大球隊會面，握手擁抱。

擔任球隊媒體副主席的Chantal Machabée與球隊社交網站，都上載莎蓮探訪的照片與影片，留言表示：「多謝莎蓮迪安嘅光臨。成隊人都好開心可以同你同你屋企人見面。」莎蓮氣息不錯，行動自如，與教練Martin St. Louis打招呼時以法文說：「好榮幸可以同你見面，今晚打得好好。」她又向球員表示：「你哋只需要保持健康，同強壯。做你哋做得最好嘅事。」