張文傑升呢老闆培育年輕動作演員　影帝張家輝到賀

入行廿年的藝人張文傑（German）早於2001年加入電影行業，從事武指、替身等幕後工作，數年前轉戰幕前成為演員，近日更榮升老闆，宣布成立娛樂公司，旗下藝人除了German自己，亦簽下湯鎮業兒子湯君慈（Bruce），German表示：「如果有人需要搵靚仔、做戲、騷胸肌、腹肌嘅，隨時可以搵我哋Bruce！」娛樂公司以外，German還宣布成立團隊製作動作電影及提供電影動作課程，以培育年輕一輩，同時也推出電影動作體驗課堂，讓大眾也可以變身動作演員，成為「一日動作巨星」。

而於開幕典禮上，German更獲不少圈中好友撐場，如影帝張家輝、鄭保瑞、陳家樂、衛詩雅及岑珈其等到賀，醒獅開幕後，German隨即變身武術指導，親身示範虛擬動作拍攝，帶領馬志威、陳家樂、湯君慈等先後體驗「爆人樽」，岑珈其亦大展身手，吊威吔打後空翻，體驗當動作演員滋味。