何雁詩調整心態晒3吋事業線　放下仔仔搵生活平衡

歌手何雁詩早前自揭現時17個月大嘅仔仔Asher有發展遲緩問題，未識爬同行路，情況令人擔心。逐漸調整心態嘅佢，依家都學識enjoy life，唔係淨係將全部心思只放去個仔身上，喺媽媽同個人角色之間完美調和，見佢晒出性感照，絲質吊帶衫谷出3吋事業線：「實現我的工作與媽媽生活的平衡，並讓我與女友人們外出晚餐，健康的心態 = 幸福的生活」轉頭佢又晒出同好友陳瀅合照，又自爆Join咗「大人飯局」影住5支飲清晒嘅靚酒酒樽，去玩去飲感受生活，仲去埋美容院扮靚靚，唔再將自己困住喺屋企。