甄子丹四代同堂慶祝外婆生日　甄濟如皮裙騷長腿贈興

「宇宙最強」甄子丹與太太汪詩詩結婚後，育有一對仔女，大女甄濟如（Jasmine）及兒子甄濟嘉（James），一家4口幸福美滿。近日係汪詩詩外婆94歲嘅生日，汪詩詩喺社交網分享咗多張四代同堂嘅靚相，並寫道：「祝我們美麗及可愛的Abu生日快樂！她今年94歲了！」只見大家都穿上紅色衫，其中甄濟如一身紅色皮衣搭配同色短皮裙，最吸睛嘅係佢腿上嘅「黑絲」，若隱若現騷長腿！除咗甄子丹一家外，汪詩詩嘅媽媽、細妹汪圓圓、表妹湛琪清亦有在場齊齊賀壽。汪詩詩仲邀請咗不少好友，大家都以一身喜慶打扮及帶埋相當豪氣嘅賀禮，場面非常熱鬧。