小S質疑柴智屏整容　女兒尷尬：我甚麼都沒說

台灣藝人小S（徐熙娣）憑直率敢言性格，深受觀眾追捧，而日前由佢所主持嘅訪談節目更邀請咗4位星二代分享，到底有一位明星爹哋或媽咪，喺自己生活上有冇幫助，喺星二代開始分享前，小S更搶先分享幾日前，自己愛女想打邊爐，但就始終訂唔到餐廳，隨着小S出招幫訂位，竟然真係成功訂到位，令小S忍唔住驕傲道：「我很會刷臉，超愛刷！」

而製作過多部偶像劇，獲封為「偶像劇教母」嘅著名製作人柴智屏，愛女高雋雅亦有份獲邀演出，未料就被小S問道：「你媽最近是不是有去動一些醫美，因為笑起來嘴巴好像不太能動。」更笑指柴智屏嘅表情有啲僵硬，雖然高雋雅盡力避免回應，不過面對小S嘅窮追猛打，令佢忍唔住對鏡頭呻道：「媽，我甚麼都沒說！」未料小S再乘勝追擊：「可是你媽媽的照片說明了一切。」