老公揚言「20幾歲都是老妹」　小S嬲爆：我已經45歲

台灣女星徐熙娣（小S）同老公許雅鈞結婚多年，喜愛夜蒲嘅許雅鈞不時都傳出偷食風波，2人婚姻狀況備受外界關注。不過佢懶理各樣傳聞，照樣會喺節目中分享家庭生活。

日前佢喺節目中提到，有次老公外出同好友聚會，當中有唔少後生嘅女仔，於是老公結束聚會回到家，佢隨口問「今天聚會好玩嗎？」，老公即搖頭「都是老妹」，佢聞言追問歲數，老公透露「都20幾歲」，令佢當場嬲爆大喊：「不好意思！我已經45歲了」認為老公嫌棄自己老，許雅鈞急忙解釋：「妳是老婆，不算」，呢件事令佢覺得既生氣又好笑，更喺節目中大罵「不要臉」，仲好奇追問現場男嘉賓，私底下「到底是怎麼樣在形容女生的」。