麥浚龍與混血女友拍拖逾10年　自爆有「小朋友」

藝人麥浚龍（Juno）今日（13日）年初四便開工，為下周四（22日）在亞博舉行的演唱會作綵緋，今次演唱會視為明年紅館騷的熱身，他表示第一次的歌單共有80首歌之多，部分歌曲只在此騷演唱，提到演唱會被列為18禁騷，會有不雅用語等，可擔心影響門票銷售？他笑言：「好彩我啲歌迷同我一齊長大，應該可以嘅。（你有三級造型？）所以我請嘉賓就係咁解，哈哈，其實嘉賓啲衫未至於暴露，只係浮跨，配合江湖故事嘅背景。」

他是次與很多後生仔合作，大感新鮮，由於今次又兼顧做監製，他自認等同打雜，戲言可能年紀大，要處理太多事，感到疲累。提到新年同家人吃過團年飯後沒有時間拜年，未有被親友催婚，但自爆已有「小朋友」，就是3隻小貓，與混血女友Janine（戴庚玲）拍拖逾10年，如果有日結婚不介意公開，他說：「近年都係以工作為重，雖然結婚同工作係分開，自己仲想喺工作方面努力，暫時未想結婚住。」