丫頭越南籮柚趷趷睇海景　低胸吊帶裙派福利

台灣女星丫頭（詹子晴）外貌甜美加上迷人嘅娃娃聲，甫出道就獲得唔少關注，同時有着商業頭腦嘅佢，唔止活躍於綜藝節目，更落力發展副業，認真賺到盆滿缽滿。而收入爆棚嘅同時，亦不忘慰勞一班辛苦嘅員工，近日帶員工去越南富國島旅行嘅佢，亦喺社交網晒出多張比堅尼穿搭嘅海島風情靚相，豐滿上圍搶盡眼球外，着上透視長裙喺海邊籮柚趷趷睇海景嘅Pose，更係令人睇到眼都唔識眨。